Siglir tar il cuntegn
cuntegn

Svizra Böögg: 20 minutas e 31 secundas

20 minutas e 31 secundas ha il Böögg tegnì la dira al fieu.

Böögg.
Legenda: Tenor il Böögg ans spetga ina stad mediocra. Keystone

In pau dapli che 20 minutas hai cuzzà enfin tar l'explosiun – damai ans spetga ina stad mediocra.

Il pli ditg aveva il Böögg en ils davos 40 onns duvrà il 2016. Ed il pli spert era la testa explodida il 2003.

Istorgia da l'usit

L'usit sa basa atgnamain sin trais ragischs differentas:

  1. mastergnanzas da Turitg che han dirigì las instituziuns politicas, militaras, socialas ed artisanalas
  2. la stad vegniva inditgà la fin dal temp da lavur cun il «Sechs-Uhr-Läuten»
  3. in usit pagaun: arder l'enviern sco simbol per l'entschatta da la stagiun pli chauda

La festa è in'occurrenza gronda ch'attira mintg'onn plirs 10'000 aspectaturas ed aspectaturs en la citad da Turitg u er a chasa avant las televisiuns che mussa tant il cortegi sco era l'arder il Böögg sin la plazza dal Sechseläuten.

L'onn 2004 è il chantun Grischun stà il chantun ospitant al Sechseläuten. Lura han ils uffants da Scuol pudì preschentar giu Turitg l'usit dal Hom strom.

Or da l'Archiv

Legenda: Guardar il video Telesguard dals 19.04.2004. Durada 02:30 minutas.
Or da RTR dals 16.04.2018.

Per il Böög èsi a fin, per las mastergnanzas betg

Cura ch'il Böög è explodì ed ins sa tge aura ch'ans spetga la proxima stad, èsi a Turitg oz betg anc temp da durmir. L'emprim van las mastergnanzas a tschanar per survegnir forza. E suenter visitan els trais autras mastergnanzas. Quellas visitas èn enramadas da umor e natiral da musica. Ed er il «Drei Hoch», ina moda da far viva, na po betg mancar.

RR novitads 19:00