Siglir tar il cuntegn
Inhalt

Svizra BODLUV: Cussegl federal sustegna Guy Parmelin

La decisiun dal cusseglier federal Guy Parmelin saja stada chapibla e gista argumentescha il cussegl federal. Els na vesan betg motivs per cuntinuar cul project BODLUV per cumprar in nov sistem da defensiun cunter aviuns.

Guy Parmelin, cusseglier federal e schef dal VBS
Legenda: Guy Parmelin, cusseglier federal e schef dal VBS Keystone

In dals motivs principals sajan ils custs che s’han augmentas: da 500 milliuns sin passa 1 milliarda francs. E divers custs sajan intscherts cun quai fiss quai stà inacceptabel da cuntinuar cul project.

Cun quella communicaziun reagescha il Cussegl federal sin il rapport da la cumissiun dal cussegl dals stadis e dal cussegl naziunal ch’è dad auter avis. Tenor els haja il schef dal VBS, Guy Parmelin, reagi massa svelt, senza avair ponderà endretg. La cumissiun veva cusseglià al cussegl federal da sa fatschentar anc ina giada cun il project.

Guy Parmelin vaiva interrut il project be paucas emnas suenter ch’el era en uffizi. El n'ha betg fidà a las infurmaziuns ch'ils responsabels dal project han dà ad el.

RR novitads 17:00