Siglir tar il cuntegn

Header

cuntegn

Svizra Blocher dat culp da partenza cunter la cunvegna da basa da l'UE

Il comité cunter in'adesiun zuppada a l'UE enturn l'anteriur cusseglier federal e strateg da la PPS, Christoph Blocher, ha cumenzà venderdi sia campagna cunter la cunvegna da rama planisada. Il comité avertescha d'ina «connexiun» a l'Uniun europeica.

Il comité parta dal fatg, che la Svizra stoppia cun la nova cunvegna da rama surpigliar leschas da l'UE e renconuscher decisiuns dal tribunal da l'UE sco liantas. Quai ha Blocher declerà oz ad ina conferenza da medias a Berna.

Tge che la cunvegna da basa cuntegna en detagl, n'ha la Confederaziun anc betg communitgà. Il comité inditgescha che las contractivas sajan bunamain terminadas. Il Cussegl federal spetgia sin in bun mument per exequir la procedura d'approvaziun a la svelta.

Christoph Blocher aveva fundà il comité «EU-No» l'october 2013. Quel dumbra fin ussa 130 commembers collectivs e 6'200 commembers singuls.

RR novitads 14:00

Artitgels legids il pli savens