Siglir tar il cuntegn

Header

Navigaziun

cuntegn

Svizra Blers uffants en Svizra vegnan vinavant malduvrads

1’388 uffants èn vegnids tractads en ospitals svizzers pervi da maltractaments l’onn passà. Il nivel è cun quest dumber vinavant restà aut. Tge che croda en egl: La cumpart da delinquentas e delinquents giuvenils è s’augmentà marcantamain.

L'onn passà han ospitals svizzers tractà stgars 1’400 uffants pervi da maltractaments supponids u segirs. Questa cifra è cun quai restada stabila e quai sin in aut nivel. In uffant pitschen è mort pervi da las consequenzas da maltractament. Tge che dat en l'egl è il dumber dals delinquents giuvenils ch'è s'augmentà fermamain.

In pugn, davostier in uffant che sesa.
Legenda: La violenza po avair bleras fatschas. Dasper l'abus corporal e sexual datti er blers cas da maltractament psichic. Pixabay

Adina dapli giuvenils èn delinquents

En bunamain mintga quart cas da maltractament d'uffants era il delinquent sut 18 onns. Quai mussa la statistica naziunala davart la protecziun dals uffants dal 2015. L’abus sexual tras delinquents giuvenils è gia enconuschent pli ditg. Areguard l’abus corporal e psichic saja il trend dentant «surprendent e nov».

Babs u mammas èn savens delinquents

Il maltractament psichic è cun 30% la furma da maltractament la pli frequenta che clinicas d'uffants han registrà.

Plinavant succedan tenor la statistica ils blers cas d’abus psichic e corporal aifer la famiglia. Er bunamain mintga segund abus sexual vegn commess d’in commember da la famiglia.

RR novitads 14:00