Siglir tar il cuntegn

Header

La chasa federala a Berna.
Legenda: Ils 18 d'october elegia la Svizra in nov parlament. Keystone
cuntegn

Svizra Blers politichers prominents chalan

Ils 18 d'october elegia la Svizra in nov parlament. Quai vul dir che blers politichers han decis da terminar lur carriera politica - tranter quels blers prominents.

Turitg perda trais «dinosauriers» da la politica

En il chantun Turitg chalan trais politichers ch'èn stads 24 onns en il cussegl naziunal: Toni Bortoluzzi e Max Binder da la PPS ed Andreas Gross da la PS. Il scrinari Toni Bortoluzzi resta en memoria sco um cun ses agen chau che ha era mainsvart gì dispita cun sia partida. Ses collega Max Binder è surtut s'engaschà per l'agricultura. Il socialdemocrat Andreas Gross è vegnì enconuschent sco intellectual e sco cun-fundatur da la GsoA, che vul ina Svizra senza armada.

audio
Mezdi: Elecziuns 2015 – parlamentaris prominents che chalan
ord Actualitad dals 20.08.2015.
laschar ir. Durada: 5 minutas 13 Secundas.

Duas testas vallesanas chalan

Il chantun Vallais perda gist dus prominents: Christophe Darbellay è enconuschent sco president da la PCD Svizra, sesa dapi 12 onns en la chombra gronda ed è mainsvart vegnì crititgà ord las atgnas retschas ch'el mettia sasez en il center e tralaschia uschia ils interess da la partida. Per lingias grassas ha era Oscar Freysinger da la PPS procurà cun sias ideas en il cussegl naziunal: El ha p.ex. pretendì in scumond d'importar alas da squagls (Haifischflossen).

La lady dal chantun Uri na vul betg pli

«Die eiserne Lady der Liberalen», uschia vegn Gabi Huber (PLD) gugent numnada en las medias. Mo la giurista dal chantun Uri pretenda da sasezza ch'ella saja «streng, aber nicht pickelhart». Tuttina vala Gabi Hubersco politicra ch'ei adina up-to-date en ils dossiers.

Ella saja «spektakulär unspektakulär», ha il Tagblatt da Sogn Gagl scrit inagiada. In fatg remartgabel tar Gabi Huber: En ses 12 onns sco cussegliera naziunala ha ella fatg mo 3 intervenziuns. Per cumparegliar lein prender ses collegas dal Vallais ch'èn tuttina ditg a Berna sco Gabi Huber: Christophe Darbellay ha fatg passa 100, Oscar Freysinger passa 200.

Urs Schwaller vul dapli temp liber

Attenziun naziunala ha Urs Schwaller survegnì sco president da la fracziun cristiandemocrata mo era sco candidat per il cussegl federal. Quella cursa ha el dentant pers il 2009 cunter Didier Burkhalter. Schwaller vala sco tipic politicher dal center che vul far punts tranter ils pols.

Ina selecziun dals parlamentaris federals che chalan il 2015

Chantun
Num
PartidaCussegl naziunal
Cussegl dals chantuns
GRHansjörg Hassler
PBD1999 - 2015

ZHFelix Gutzwiller
PLD1999 - 2007
2007 - 2015
ZHVerena DienerPVL1987-19982007-2015
ZHToni BortoluzziPPS1991-2015
ZHMax BinderPPS1991-2015
ZHDaniel VischerVerds2003-2015
ZHAndreas GrossPS1991-2015
LUGeorges TheilerPLD1995-20112011-2015
LURuedi Lustenberger
PCD1999-2015
SGLucrezia Meier-SchatzPCD1999-2015
VSChristophe DarbellayPCD2003-2015
VSOskar FreiysingerPPS2003-2015
URGabi HuberPLD2003-2015
AGGeri MüllerVerds2003-2015
AGChristine EgerszegiPLD1995-20072007-2015
FRUrs SchwallerPCD2003-2015

Artitgels legids il pli savens