Siglir tar il cuntegn

Header

Navigaziun

Ina stanza emplenida cun stgatlas da bananas ed in um che porta ina stgatla...
Legenda: Il dumber da concurs è creschì il mais d'avust. Keystone
cuntegn

Svizra Blers concurs - paucas novas fundaziuns

En tut èn 398 firmas idas bancrut il mais d'avust - quai èn 10% dapli ch'il mais avant.

Uschia crescha il dumber dals concurs da firmas dapi il schaner sin quasi 3'000. Cumpareglià cun l'onn passà è quai in augment da 5%. Quai resulta da la retschertga dal servetsch d'infurmaziun economica Bisnode D&B.

Il Grischun ha registrà dal schaner fin l'avust 112 insolvenzas d'interpresas, quai èn 30 dapli che l'onn passà. Durant ils emprims 8 mais da l'onn è s'augmentà il dumber d'interpresas novas en Svizra sin 27'500, en il Grischun sin 656.

Tessin patescha

Il mument fa il chantun Tessin quitads a l'economia svizra. Là ha i dà 14% dapli bancruts e 14% damain novas fundaziuns da firmas. Quai saja in indizi ch'il Tessin saja il mument fitg sut squitsch.

En la Svizra franzosa ha i bain er dà 14% dapli concurs, ma la regiun ha pudì registrar dapli novas registraziuns.

RR novitads 12:00