Siglir tar il cuntegn

Svizra Blers charreschan malgrà alcohol

Bunamain mintga tschintgavla Svizra u Svizzer charrescha cun auto malgrà ch'ella u el ha bavì memia bler alcohol. Quai resulta d'ina enquista ch'è vegnida fatg en l'entira Europa.

Um alcoholisà vid entrar en ses auto.
Legenda: Bleras persunas charreschan er suenter avair consumà alcohol. Keystone

Da las 1'000 persunas dumandadas han 17% inditgà d'esser charrà cun auto, malgrà memia bler alcohol. La Svizra è uschia sin posiziun 3 cumpareglià cun 17 pajais europeics. Sulet en Frantscha ed en la Belgia charreschan anc pli blers cun auto cun memia bler alcohol en il sang. En Svizra vegn dentant era controllà pli pauc il livel d'alcohol, er quai resulta dal studi.

RR novitads 14:00