Participants da traffic inattents u distratgs sajan savens responsabels per accidents cun grev-blessads u morts. En media dettia mintga di trais grev-blessads ord questa raschun. Quai resorta dal rapport Sinus dal BfU che analisescha il livel da segirezza ed ils accidents dal traffic sin via.
Giuvens e giuvnas pli savens distratgs
Esser distratgs na saja nagin fenomen tipic per la schlattaina: Schebain tar umens sco er tar dunnas è quel derasà tuttina savens. Dentant gioghia la distracziun tar ils giuvens e las giuvnas tranter 18 e 24 ina rolla marcantamain pli gronda che tar persunas pli veglias che causeschan accidents.
Bunamain tuttina blers grevs accidents datti tenor BfU pervi da surpassament dal dretg da precedenza – quai ch'è sin vias localas il pli savens la raschun per accidents. Tar trais da quatter accidents pervi da surpassament dal dretg da precedenza saja l'automobilist la culpa. Sper motociclists e velocipedists sajan en emprima lingia ils peduns las victimas. Radund 40% da las persunas che moran tar accidents sin via èn peduns.
RR novitads 14:00