Siglir tar il cuntegn
cuntegn

Svizra Bleras polizias chantunalas cumpran novas buis automaticas

Pervi dal privel da terror s'armeschan blers corps da polizia en Svizra cun buis automaticas (buis d'assagl), quai rapporta l’emissiun da SRF «10vor10».

Fin uss ha las polizias chantunalas surtut pistolas sco armas.
Legenda: Fin uss ha las polizias chantunalas surtut pistolas sco armas. Keystone

Las attatgas da terror l’ultim onn en Frantscha han procurà che blers corps da polizia han reponderà lur strategia. Concret ha quai influenzas sin las acziuns da polizia. Uschia duajan las patruglias da polizia pudair reagir svelt cun armas effizientas, perquai dovran la polizia armas novas sco las buis d’assagl da l’armada.

Pliras polizias chantunalas han gia cumprà buis d’assagl

Equipadas cun las buis d’assagl duajan ils generalists da la polizia che han fin uss ina pistola u pistolas-mitraglia. Tenor l'emissiun 10vor10 hajan las polizias chantunalas da Berna e son Gagl gia acquistà buis d'assagl. Tar quella da l'Argovia era quai gia capità la primavaira. A Turitg n’ha la polizia chantunala fin uss anc nagins buis d'assagl. Quai surtut perquai che las forzas spezialas da la polizia èn armadas cun buis d’assagl.

RR novitads 20:00