Siglir tar il cuntegn

Svizra Bleras plazzas libras sin il martgà svizzer

En Svizra han puspè dapli persunas gì ina plazza l’ultim quartal dal 2017. Cumpareglià cun il quartal avant è l’occupaziun creschida per 0,4%, communitgescha l’uffizi federal per statistica.

Lavurer en ina fabrica da guaffens.
Legenda: Sin il sectur da l'industria è l'occupaziun creschida per la prima giada dapi trais onn. Keystone

Per la prima giada dapi trais onns è er l’occupaziun sin il sectur d’industria creschida, quai per 0,8%. La fin dal quart quartal lavuravan passa 4,9 milliuns persunas sin il sectur da l’industria u da servetsch.

Problems da chattar forzas da lavur

Il dumber da las plazzas libras è creschì per 16,8% sin 62’100. Dapli plazzas libras hai dà l’ultima giada il 2011. Las difficultads da recrutar forzas da lavur è creschida. 30,4% dals manaschis han annunzià tals problems, 1,3% dapli che l’onn avant

RR novitads 11:00