Siglir tar il cuntegn

Header

cuntegn

Svizra Blera plievgia en il Tessin ed il Grischun

En il chantun Tessin e parts dal Grischun ha i pluvì intensiv la notg passada. Uschia hai pluvì entaifer paucas uras per part sur 100 liters per meter quadrat, communitgescha il servetsch meteorologic privat Meteonews.

La blera plievgia tranter la gievgia suentermezdi e il venderdi la damaun è vegnida mesirada a Lugano cun 109 liters, en il Grischun a Grono cun 82 liters per meter quadrat. La blera plievgia saja stada accumpagnada da ferms urizis. Il motiv saja ina front d’aria fraida, scriva meteonews. Per part han era buffà ferms vents. Sin il Chasseral (Giura bernais) han ils vents suflà cun spertadads fin 100 km/h.

Via da Brinzauls serrada

Pervi da la plievgia hai dà in sbuvaditsch sin la via da Brinzauls. Tranter Lantsch ed Brinzauls (Lantsch - Crappanaira) è la via perquai serrada en omaduas direcziuns, fin ils 8-08-2016. Glindesdi a las 14:00 vegn la situaziun evaluada da nov, ha l’uffizi da construcziun bassa ditg sin dumonda.

En il nord da las Alps hai pluvì 40 fin 50 liters.

RR novitads 08:00

Artitgels legids il pli savens