Siglir tar il cuntegn

Header

cuntegn

Svizra Bler svieuta cun turissem medicinal

La gruppa svizra d'ospitals privats e d'otels Aevis Victoria ha augmentà sia svieuta l'emprim mez onn. Aevis Victoria ha puspè profità dapli dal turissem medicinal e fatg ina svieuta da 293,5 milliuns francs quai èn 1,2% dapli ch'avant in onn.

Per il grond plus han sur tut spitals privats procurà. Lur svieuta è creschida da 213,7 milliuns francs sin 222,2 milliuns francs. En ses ospitals ha Aevis Victoria dumbrà l'emprim mez onn 2016, 10% dapli pazients da l'exteriur, sur tut dal Orient Proxim.

Per ulteriur creschament duai in nov sectur procurar. L'uschenumnada "Telemedizin". Là è Aevis Victoria sa participada per 40% tar la Medgate-Gruppe che metta a disposiziun tractaments telemedicinals. Plinavant ha Aevis Victoria era investà en l'interpresa Lifewatch, in sviluppader per servetschs sanitars telegidads, digitals.

Il segment d'otels ha dentant patì, quel ha fatg var in tschintgavel damain svieuta che l'onn avant. Quai perquai ch'els han era sentì ch'il turissem ha laschà suenter, suenter ils attentats terroristics en l'Europa. La svieuta e sa sbassada da 32,6 sin 26,7 milliuns francs. Tenor la communicaziun duai dentant vegnir meglier en la segunda mesadad da l'onn.

RR novitads 09:00

Artitgels legids il pli savens