Siglir tar il cuntegn

Header

cuntegn

Svizra Bler dapli svieuta - bler damain gudogn

Suenter ch'il concern svizzer da tecnica sanitara Geberit ha surpiglià la firma finlandaisa Sanitec è la svieuta creschida ils prims 9 mais da l'onn per prest 22% sin stgars duas milliardas francs. Il gudogn schuber dentant è crudà per passa 18% sin stgars 340 milliuns francs.

Sco raschun numna Geberit l'acquist da Sanitec. Geberit ha cumprà Sanitec per radund ina milliardas euros ed uschia expandà en la fatschenta cun lavabos, tualettas e spievels da bogn. La surpigliada ha chaschunà custs da 59 milliuns francs. Senza questa cumpra fiss il gudogn sa sminuì mo per 3,8% sin 397,8 milliuns francs.

Schoc dal franc smatga sin il resultat

Rumpatesta ha fatg al concern svizzer la stgnaziun en l'industria da construcziun en intgins pajais europeics sco era l'aboliziun dal curs minimal dal franc envers l'euro. Sulet ils effects dals curs da stgomi hajan mangià davent a la svieuta 162 milliuns francs, uschia scriva Geberit.

RR novitads 8:30

Artitgels legids il pli savens