Dapli
Sco quai che l'Uffizi federal da vias ASTRA communitgescha è il dumber da morts sin las vias svizras sa reducì per 27%. Anc pli marcanta è la reducziun tar ils motociclists (-62%) e tar ils velociclists (-29%). En tuttas categorias da vehichels cun duas rodas è vitiers sa sminuì il dumber da las persunas grevblessadas. Probabel haja l'aura grischa a l'entschatta da l'onn chaschunà la reducziun, uschia suppona l'ASTRA.
Damain morts sin autostradas
Envers l'emprim mez onn 2015 èn era damain peduns vegnids per la vita. En questa categoria hai dentant dà dapli blessadas. Ils blers accidents cun peduns èn capitads sin la sdrima melna. Er sin las autostradas ed autovias è il dumber da morts (-42%) e grevblessads (-29%) sa reducì cleramain ed ha cuntanschì il pli bass stan dapi 25 onns.
RR novitads 14:00