Siglir tar il cuntegn

Header

cuntegn

Svizra Billag: SRG n'ha nagin pled en chapitel

La SRG na po betg vegnir integrada en la discussiun davart la restituziun da la taglia sin la plivalur da la Billag. Quai ha decis il Tribunal federal en connex cun in cas pendent.

Betg la SRG, mabain l'Uffizi federal da communicaziun saja creditur da las taxas da recepziun per radio e televisiun. La SRG na saja betg pertutgada directamain e na possia uschia er betg vegnir integrada en il process sco partida, han precisà ils derschaders a Losanna. Sch'ina persuna pretendia enavos la taglia sin la plivalur stoppia ella sa drizzar al BAKOM u a la Billag e betg a la SRG.

Betg suttamess a la taglia

L'avrigl 2015 aveva il Tribunal federal decidì che las taxas da recepziun per radio e televisiun na sajan betg suttamessas a la taglia sin plivalur. Pliras persunas avevan perquai pretendì in'indemnisaziun da questa taglia pajada da memia.

RR novitads 17:00

Artitgels legids il pli savens