Siglir tar il cuntegn
cuntegn

Svizra Bilantscha positiva per strategia cunter virustgel

Il Cussegl federal tira ina bilantscha positiva da la strategia cunter il virustgel era sche las finamiras n’èn betg vegnidas cuntanschidas. La rata per vacchinar è dentant s’augmentada en Svizra.

Medi che vaccinescha in uffant.
Legenda: 87% dals uffants da dus onns èn vaccinads cunter il virustgel. Keystone

Il Cussegl federal vuleva cuntanscher en sia strategia ch’almain 95% dals uffants en Svizra èn vaccinads cunter il virustgel. Il mument è la quota tar 87% dals uffants da dus onns vaccinads cumplet, scriva l’uffizi federal da sanadad. La bilantscha vegn qualifitgada sco positiva era sche la finamira n'è anc betg cuntanschida.

Dapli giuvens sa laschan vaccinar

Tar giuvenils è la quota creschida tranter ils onns 2012 fin 2015 per 10% sin 87%. Quai augment saja remartgabel perquai che giuvenils na giajan betg savens tar in medi. La finamira restia da laschar svanir il virustgel, scriva il departament da sanadad.

Svilups hai da en differents chantuns. En il chantun Appenzell Dadens è la cifra dals uffants da dus onns tranter 2008 e 2014 s’augmentada da 50% sin 84%, en il chantun Obwalden è la cifra s’augmentada il 2012 da 82% sin 90% ed en il chantun Zug da 87% sin 90%.

RR novitads 16:00