Siglir tar il cuntegn

Header

cuntegn

Svizra Beznau 1 – bainbaud puspè vi da la rait

L'Inspecturat federal da la segirezza nucleara ha dà glisch verda per quai.

Suenter ina pausa da betg main che trais onns dastga il bloc 1 da l'ovra atomara Beznau puspè ir vi da la rait. Quai ha decidì l'Inspecturat federal da la segirezza nucleara ENSI. La Axpo haja mussà si, che la qualitad da l'atschal d'ina part dal reactur n'haja nagin'influenza negativa sin la segirezza. La ENSI haja examinà la cumprova ed acceptà quella.

Il bloc Beznau 1 è stà giu da la rait dapi il mars 2015. Controllas cun nova tecnologia avevan mussà radund 925 sbagls da material. Beznau 1 è in dals pli vegls reacturs commerzials dal mund. L'ovra è vegnida messa en funcziun il 1969 suenter quatter onns da construcziun.

RR novitads 09:00

Artitgels legids il pli savens