Siglir tar il cuntegn
Inhalt

Svizra Betg tuttas cassas vulan pajar en cas da cancer

Or da quai motiv stgaffescha la Lia cunter il cancer in nov post d'infurmaziun per tals pazients da cancer.

Purtret d'in medi che mesira la pressiun dal sang.
Legenda: La Lia svizra cunter il cancer observa cun quitads l'agir da las cassas da malsaun. Keystone

La Lia svizra cunter il cancer vegn a stgaffir a partir dal zercladur in nov post d’infurmaziun per tals pazients da cancer als quals las cassas da malsauns na pajan betg ils medicaments, quai ha la Lia cunter il cancer confermà a radio SRF.
Dapi radund in onn e mez refusan las cassas da malsauns adina pli savens da pajar ils medicaments per tractar il cancer, communitgescha l’associaziun dals medis da cancer.

Damai cho'i na dat en questa caussa anc naginas statisticas na pon ins betg dir sche quai è be parita u sche quai è propi uschia. Datas exactas vul l’Uffizi federal da sanadad rimnar ils proxims trais onns, sin questa basa duai lura vegnir giuditgà.

RR novitads 12:00