En il visier han las organisaziuns surtut il chantun Berna che vul fixar l'agid social en general per 10% sut las directivas da la Conferenza svizra da l'agid social (SKOS). Talas mesiras da spargn sajan cuntraproductivas. Ellas mainian ad isolaziun sociala, pegiureschian la sanadad e restrenschian la situaziun d'abitar. Las directivas da la SKOS sajan pir avant in onn vegnidas pli strictas. Divers studis mussian, che las contribuziuns tenor quellas directivas sajan memia bassas. Quai han las organisaziuns communitgà il mardi a chaschun dal di internaziunal cunter la povradad a Berna.
Las organisaziuns che sustegnan quest clom èn tranter autras la Caritas Svizra, AvenirSocial, organisaziuns per impedids, sindicats, instituziuns socialas ed organisaziuns da baselgias.
RR novitads 10:00