Siglir tar il cuntegn

Svizra Betg spargnar tar ils purs

La cumissiun d'economia dal Cussegl naziunal propona da spargnar gnanc in franc en l'agricultura ils onns 2018 fin 2021. Quai ha la cumissiun decidì cun 14 cunter 10 vuschs.

Pur che chatscha sias vatgas.
Legenda: Confederaziun na duai spargnar gnanc in franc en l'agricultura ils onns 2018 fin 2021. Reuters

La cumissiun d'economia suonda uschia a la proposta da la cumissiun da finanzas ed ha curregì il sboz per quests 514 milliuns francs ch'il Cussegl federal ha vulì spargnar. La maioritad da la cumissiun è dal maini ch'ils purs dovrian segirtad da planisar. Vitiers saja sa reducida ils ultims onns la cumpart da l'agricultura al budget federal.

La proposta dal Cussegl federal da spargnar tar ils purs n’ha oravant tut tar la PPS, la PCD ed era tar la PBD betg chattà accoglientscha. La minoritad è da l’avis ch’era ils purs ston prestar ina contribuziun per la stabilisaziun dal perchasa.

RR novitads 16:00