Siglir tar il cuntegn
cuntegn

Svizra Betg dapli regulaziuns per Airbnb

Dar a fit cun agid da la plattafurma Airbnb si'abitaziun fittada ubain singulas stanzas duai er en l'avegnir esser pussaivel en Svizra.

In telefonin cun avert la app da Airbnb.
Legenda: Betg dapli directivas per Airbnb. Keystone

La Confederaziun na vul betg dapli directivas per la plattafurma Airbnb. Il cuntrari – ella vul perfin ina lescha main severa, sco retschertgas da radio SRF mussan. Enstagl ch'il locatari stoppia dumandar mintga giada il possessur da la chasa per ina lubientscha, duai ina concessiun pauschala esser pussaivla en il futur.

Simplifitgar la lescha uschia, quai vul l'Uffizi federal d'abitaziuns. Ed el na vul nagina limitaziun sco per exempel ch'ins dastgass dar a fit si'abitaziun mo durant in tschert dumber da dis aifer in onn. Proximamain tracta il Cussegl federal las propostas da l'Uffizi federal d'abitaziuns. Airbnb crescha entant adina vinavant en Svizra. Il zercladur devi sin la plattafurma offertas per 80'000 letgs – il dubel dal 2015.

RR novitads 12:00