Siglir tar il cuntegn
Inhalt

Svizra Betg dapli guardias da cunfin en la Svizra orientala

Il corp da guardias da cunfin en la Svizra orientala na duai betg vegnir augmentà, almain sch'i va tenor la cumissiun per la politica da segirezza dal Cussegl dals chantuns.

guradias da cunfin sin ina staziun da tren
Legenda: La cumissiun da segirezza dal Cussegl dals chantuns na vul betg dapli gurdias da cunfin en la Svizra orientala. Keystone

Ella cusseglia perquai al Cussegl dals chantuns da refusar ina moziun correspundenta. La cumissiun fa allusiun a la decisiun dal parlament d'augmentar il corp da guardias da cunfin. Cun questas plazzas supplementaras possia vegnir reagì flexibel sin ils basegns da segirezza als cunfins. La Svizra orientala na vegnia betg tralaschada.

Il Cussegl naziunal aveva gia ditg gea a la moziun dal cusseglier naziunal liberaldemocrat dal chantun Son Gagl, Walter Müller.

RR novitads 12:00