Siglir tar il cuntegn
cuntegn

Svizra Betg dapli guardias da cunfin

Il corps da guardias da cunfin na duai betg vegnir augmentà per 44 plazzas, quai sch'i va tenor il Cussegl federal. El propona perquai al parlament da refusar questa pretensiun da la cumissiun responsabla dal Cussegl naziunal.

ina guardia da cunfin stat cun il dies cunter il guardader da la fotografia
Legenda: Sch'i va tenor il Cussegl federal na datti betg dapli guardias da cunfin. Keystone

La cumissiun per la politica da segirtad dal Cussegl naziunal pretenda quest augment da plazzas en il budget global da l'Administraziun da duana. En sia resposta regorda il Cussegl federal a ses plans da l'onn passà cura ch'el sez vuleva augmentar il corps. Perquai ch'il parlament ha però decis da plafonar il persunal da la Confederaziun sin 35'000 plazzas cumplainas hajan las prioritads stuì vegnir messas auter.

RR novitads 15:00