La cumissiun per politica da l'exteriur dal cussegl dals chantuns è cun sia decisiun suandada il Cussegl naziunal. Là era la decisiun stada pli stgarsa: La Partida populara (PPS) e parts da la fracziun da la Partida liberaldemocratica (PLD) vulevan reducir il budget.
Nagin auzament da la summa
Nagina maioritad hai dà per la proposta d'auzar ils meds da l'agid da svilup public fin il 2028 sin 0,7% da l'entrada naziunala brutta. La summa actuala da 11,11 milliardas francs correspunda a 0,48% da l'entrada naziunala brutta.
Dapli controlla e transparenza
Ultra da quai vul la cumissiun dal cussegl dals chantuns che l'agid da svilup vegnia collià pli fitg cun la politica da migraziun. Era la transparenza duai vegnir meglierada. Perquai pretenda la cumissiun cun vusch unanima rapports regulars davart l'effect dals projects - quai en collavuraziun cun instanzas externas.
RR novitads 16:00