La tema da dischoccupaziun ch'è stada dapi il 2003 il pli grond quità da la populaziun è uss sin plazza dus. 37% dals dumandads èn numnadamain da l'avis che lur lavur saja segira. Quai èn tants sco anc mai.
Ozendi sajan tut las parts da la societad cleramain da l'avis che la prevenziun per la vegliadetgna stoppia vegnir sanada. Uschia respunda lura er la gronda part dals dumandads che la sanaziun da l'AVS saja la pli impurtanta finamira politica.
Auta fidanza en las instituziuns
I dat strusch in pajais nua che la glieud sa fida uschè fitg da las instituziuns sco en Svizra. Uschia sa fidan 60% dal Cussegl federal, fertant che la fidanza en l'atgna regenza è en ils pajais da la OECD (Organisaziun da cooperaziun e svilup economic en Europa) en media tar 42%.
RR novitads 10:00