Siglir tar il cuntegn

Header

cuntegn

Svizra Berset vul salvar ils acquists socials en il mund digital

Ils acquists socials duain vegnir integrads en il mund digital. Quai ha pretendì il cusseglier federal Alain Berset al di da partida dals socialdemocrats ad Altdorf en il chantun Uri.

Il cusseglier federal Alain Berset ha cumpareglià il mund digital cun la statua da Wilhelm Tell, che sa chatta en il chantun dal di da partida, l'Uri. Tell mettia ses maun protegind enturn ses figl. Quai stoppia er valair per la digitalisaziun: Ins stoppia proteger ils pli flaivels.

Il mund digital porschia a la societad schanzas per in svilup economic. Ma ella possia er chaschunar gronda paupradad. Berset regorda a la revoluziun industriala. I saja impurtant ch'ins integreschia ils acquists socials en il mund digital. La rolla da la politica na saja betg da franar il svilup, mabain dad integrar el.

RR novitads 15:00

Artitgels legids il pli savens