Siglir tar il cuntegn
cuntegn

Svizra Berset: Refurma da rentas sto gartegiar

En connex cun la refurma da las rentas stoppia dar ina schliaziun cun ina maioritad en il parlament, dentant era ina schliaziun che vegn approvada da la populaziun.

Cusseglier federal Alain Berset.
Legenda: Cusseglier federal Alain Berset. Keystone

Quai ha il cusseglier federal, il socialdemocrat, Alain Berset ditg en la Samstagsrundschau da radio SRF. In naufragi na possia la Svizra betg sa prestar, uschia Berset vinavant. En las chombras federalas datti anc grondas differenzas davart la refurma da rentas 2020.

Quest'emna ha il Cussegl dals chantuns debattà davart la refurma dal sistem da renta 2020. El fiss per in'augmentaziun per 70 francs en in mais per las rentas da AVS. Il Cussegl naziunal è entant encunter ed uschia va la discussiun vinavant.

RR novitads 18:00