Siglir tar il cuntegn

Header

cuntegn

Svizra Bernard Maissen banduna l’agentura da novitads SDA

Maissen ch'è oriund dal Grischun beneventa la fusiun planisada da l’agentura da novitads SDA e l’agentura da fotos Keystone. Il schefredactur da blers onns e commember da la direcziun na fa dentant betg pli part da l’interpresa fusiunada.

In segund Grischun ch'è pertutgà da la fusiun, resta en la nov'interpresa. Jann Jenatsch che ha manà ils davos onns l'agentura da fotos Keystone, duai daventar nov Chief Operating Officer. Ulteriurs commembers da la direcziun duain esser Markus Schwab sco CEO, Rainer Kupper sco Chief Marketing Officer e Daniel Mathys sco Chief Financial Officer.

Uschia duai la fusiun vesair ora

La direcziun da la KEYSTONE-SDA cun CMO Rainer Kupper, CEO Markus Schwab, COO Jann Jenatsch e CFO Daniel Mathys, da sanester.
Legenda: La nova KEYSTONE-SDA cun CMO Rainer Kupper, CEO Markus Schwab, COO Jann Jenatsch e CFO Daniel Mathys (da sanester). Keystone

SDA e KEYSTONE duain fusiunar ad in concern da medias multimedial. Davent dal 1. da schaner 2018 è previs d'avair l'agentura da novitads SDA e l'agentura da maletgs Keystone sut in tetg, cun il num KEYSTONE-SDA.

Las autoritads da concurrenza ed ils acziunaris ston dentant anc approvar la fusiun da las duas interpresas da tradiziun svizras. KEYSTONE-SDA vul en l'avegnir porscher texts, maletgs, videos e graficas d'infurmaziun.

La nova societad fa ina svieuta da 50,6 milliuns francs ed occupescha radund 300 persunas.

RR novitads 12:00

Artitgels legids il pli savens