Berna vul schluccar relaziun cun baselgias

Il chantun Berna vul schluccar la stretga relaziun tradiziunala tranter la baselgia ed il stadi. Ina separaziun cumpletta na vegnia dentant betg en dumonda per la regenza.

dadens ina baselgia refurmada

Legenda da maletgs: Cun las mesiras dal chantun duain vegnir fortifitgadas las baselgias chantunalas. Keystone

Uschia duain plevons en l'avegnir betg pli esser emploiads dal chantun, mabain da la baselgia. La regenza bernaisa vul perquai reveder la lescha da la baselgia, sco quai ch'ella scriva en in rapport.

I na giaja però betg per ina separaziun totala, i duaja plitost vegnir elavurà in nov sistem per finanziar las baselgias chantunalas. Cun las mesiras duain oravant tut vegnir fortifitgadas las baselgias chantunalas.

Critica da plevons refurmads

L’uniun parochiala evangelica-refurmada sa dosta cunter ils plans da la regenza. Quella veglia ir sin distanza tar la baselgia e speria uschia da spargnar daners. La revisiun totala proponida stettia davent dal cumenzament sut la directiva da scursanir ils meds a las baselgias.

RR novitads 12:00