En la dispita davart l'instrucziun da linguas estras, po la confederaziun sut circumstanzas prescriver als chantuns ch’uffants ston vegnir instruids en ina segunda lingua naziunala gia sin il stgalim primar.
El na dastga dentant betg fixar tgenina che duai esser l'emprima lingua estra. Quai scriva l'uffizi federal per cultura en in rapport che la cumissiun da furmaziun dal cussegl dals chantuns aveva pretendì.
Per ils chantuns Grischun e Tessin fissan dentant schliaziuns spezialas pussaivlas. La confederaziun propona questa schliaziun sco alternativa tar duas iniziativas parlamentaras.
RR novitads a las 11:00