Siglir tar il cuntegn
cuntegn

Svizra Berna: Von Graffenried nov president da citad

Alec von Graffenried ha num il nov president da la citad da Berna. Von Graffenried, da la glista libra verda, ha gudagnà cleramain l'elecziun decisiva cunter la socialdemocrata Ursula Wyss quai cun stgars 6'500 vuschs dapli.

Alec von Graffenried.
Legenda: Alec von Graffenried batta en il segund scrutini Ursula Wyss. Keystone

Von Graffenried - da la glista libra verda - ha gudagnà cleramain l'elecziun decisiva cunter la socialdemocrata Ursula Wyss. Von Graffenried ha survegnì radund 23 750 vuschs (57,91pertschient) - Wyss radund 17 260 vusch (42,09 pertschient).

Per ils socialdemocrats è questa sconfitta zunt pitra. La PS sto per l'emprima giada dapi 24 onns dar giu il presidi da la citad da Berna.

Alec von Graffenried succeda ad Alexander Tschäppät (Partida socialdemocratica) ch'haveva demissiunà.

RR actualitad 15:00