Tar la PPS datti uss ponderaziuns da cumbatter ina da las parts da la cunvegna da clima, numnadamain la lescha da CO2, cun in referendum.
Il president da la PPS, Albert Rösti, n’è betg sa mussà surstà da la decisiun dal president american Donald Trump da sortir da la cunvegna da Paris. Quai saja vegnì annunzià uschia.
Supponind, ch’ils gronds vegnian a star da la vart, n’hajan els betg ditg «gea» a la ratificaziun en il Cussegl naziunal e hajan er sa posiziunà uschia en vista a la debatta l’emna che vegn, ha ditg Rösti sin dumonda da l’agentura da novitads svizra SDA.
In referendum cunter la cunvegna da Paris n’haja la partida betg discutà, ma en connex cun la lescha da CO2 dettia quai avunda potenzial da discussiun, ha ditg Rösti.
RR novitads 16:00