Siglir tar il cuntegn
Inhalt

Svizra Berna: Mintga 20avel manaschi è vegnì admonì

En il chantun Berna han controlladers da victualias constatà che mintga 20avel manaschi ha pli gronds mancos.

Controlla da charn.
Legenda: Ils controlladers da victualias en il chantun Berna han taxà 316 manaschis sco manglus. Keystone

Ils controlladers da victualias en il chantun Berna han l’onn passà controllà radund 6’400 restaurants, cantinas, pasternarias, mazlarias ed auters manaschis. En cumparegliaziun cun l’onn passà ha quai dà dapli cas da negligientscha ed era pli gronds cas. Quai rapporta il labor chantunal dal chantun Berna en sia bilantscha da la fin d’onn.

Pli pitschens problems hai dà en 61% dals manaschis. En radund mintga 20avel restaurant ha quai dà pli grondas reclamaziuns, l’onn avant era quai tar mintga 30avel restaurant.

Sco exempel gravant ha il labor chantunal numnà in manaschi en la citad da Berna, che ha magasinà pesch e schambun criv ch’èra gia mal ed era betg pli mangiabel. La charn era gia ferm infestà cun milbas.

RR novitads 14:00