Siglir tar il cuntegn
Inhalt

Svizra Berna: Kneubühl fa chauma da fom

La giustia sco era la staziun psichiatrica da l’univeristad da Berna vulan en il cas Kneubühler collavurar pli stretg. Quai han omaduas varts ditg mardi a Berna. Dapi pliras emnas fa l'um pensiunà chauma da fom.

Peter Hans Kneubühl.
Legenda: Peter Hans Kneubühl fa dapi emnas chauma da fom. Il schaner 2013 ha gì lieu il process cunter il senior. Qua banduna el la praschun per ir en il tribunal (foto d'archiv). Keystone

I sa tracta dal cas dal senior Peter Hans Kneubühl che ha uss en praschun cumenzà cun ina chauma da fom. Il mument sa chattà el sin la staziun psichiatrica da l’univeristad da Berna. Els sajan en contact plain respect cun Kneubühl ha ditg la staziun psichiatrica ad al giaja quai bain sch’ins resguardia las circumstanzas. En il mender cas vegnan els a nutrir sfurzadamain l'um, scrivan ils responsabels dal chantun Berna.

Las partidas èn unidas che Kneubühl è abel da giuditgar. Quai ch'ins na po betg valitar è sche Kneubühl sa giuditgar l'effect che sia chauma ha. Guardà realistic possia Kneubühl betg cuntanscher sias miras cun ina chauma da fom.

Il 2010 era l’um vegnì arrestà. El era sa barricadà en la chasa paterna ed aveva sajettà sin la polizia.

RR novitads 16:00