A Berna han mesemna saira passa milli persunas demonstrà cunter l'extensiun da l'obligatori dal certificat da Covid. Ellas han renfatschà al Cussegl federal da vulair introducir indirectamain in sforz da vaccinar.
A l'ur da la demonstraziun hai tenor la polizia dà pliras provocaziuns. Ella haja controllà pliras persunas e tramess davent nov da quellas. Damai ch'i sa tracta d'ina manifestaziun spontana sco reacziun sin ina decisiun dal cussegl federal, n'hai betg duvrà ina lubientscha persuenter.