Siglir tar il cuntegn

Header

cuntegn

Svizra Berna daventa modern

Sch’ins arriva a Berna cun il tren sche ston ins cumbatter per rivar tras la massa da glieud. Mintga di vegnan e van var 250'000 persunas a la staziun. En l'avegnir spetgan ins anc dapli. Perquai duai la staziun uss vegnir engrondida.

Ils ultims 10 onns han ins planisà l’engrondiment da la staziun da Berna. Dus projects vegnan realisads:

Sutterran

Per ils trens regiunals (RBS) datti ina staziun sutterrana cun 4 binaris. Il project custa 614 milliuns francs.

Surterran

Per arrivar a la staziun principala datti anc 2 entradas supplementaras. I duai era vegnir davent ina paraid, uschia che la glisch da dadora po vegnir en la staziun.

audio
Mezdi: La staziun da Berna vegn engrondida
ord Actualitad dals 03.07.2017.
laschar ir. Durada: 3 minutas 29 Secundas.

Canera ed in urari variabel

Ils trens duain pudair ir sco enfin ussa. Dentant pudessan ils uraris variar tut tenor tge che vegn fabritgà. La canera na sa laschia betg evitar, era betg per tut ils abitants che vivan dasper la staziun. Dentant vegn fabritgà mo durant il di, uschia ch'i n'è betg dad aut la notg. Cun quai che la staziun sa chatta amez citad, pudess quai era avair influenzas per il traffic sin via causa che camiuns ston arrivar enfin tar la staziun.

Perquai ch’ins na sa betg evitar las consequenzas vulan ils maina projects infurmar la glieud usché bain sco pussaivel. Il plazzal dura enfin il 2025.

RR actualitad 12:00

Artitgels legids il pli savens