Per ina stanza inclusiv tschaveras, quai durant dus mais e mez paja Adrian Burri 500 francs. Durant las provas stat il sautunz e chantadur tar Ursula Bergmann. La dunna da circa 65 onns prenda mintg'onn si in actur, e quai dapi ch'i dat la «Walensee-Bühne». Ella fa quai surtut per emprender d'enconuscher nova glieud.
Mintg'onn vegn ina persuna interessanta tar mai. Quai dat adina buns discurs.
Tut ils acturs ch'ella ha fin uss prendì si sajan stads amiaivels e discurrivan gugent.
Naginas reglas
Reglas n'èn per Ursula Bergmann betg necessarias. Lur giast possia far tge ch'el vul. Quai na saja dentant betg tar tut las familias ospitantas uschia. Auters stoppian stizzar da las endisch las glischs, ni ch'els ch'els na dastgian betg envidar a chasa giasts. Ma era senza reglas funcziunia la cuminanza d'abitar provisorica fitg bain. Els passentian bler temp ensemen, discutian u ch'els gioghian in gieu.
RR actualitad 11:00