Siglir tar il cuntegn

Svizra Bell'aura chaschuna dapli accidents il 2017

L'assicuranza d'accidents SUVA ha registrà l'onn passà marcantamain dapli accidents. En tut hai dà 465'000 accidents u cas da malsogna. Cumpareglià cun il 2016 è quai in plus dad 1%. Il dumber d'accidents a la plazza da lavur è stà stabil, ils accidents en il temp liber èn s'augmentads per 1,9%.

Purtret d'ina dunna cun sia chomma en ina fascha.
Legenda: L'onn passà hai dà dapli accidents durant il temp liber, scriva la SUVA. Keystone

La raschun per l'augment dals accidents saja surtut la bell'aura, hai num en la communicaziun da la SUVA. Uschia sajan dapli persunas stadas activas pli ditg en il temp liber. Durant il viandar u spassegiar è il dumber d'accidents creschì per passa 16% sin radund 21'500 cas.

Cun la bell'aura il zercladur è er il dumber d'accidents da motociclists s'augmentà per 4,8%, quel d'accidents da velocipedists per 3,6%.

S'augmentà il pli ferm è il dumber d'accidents tar persunas tranter 55 e 64 onns, cun 8%. Quai, damai ch'i tiria questa gruppa pli tgunsch giuadora da bell'aura che glieud pli giuvna.

RR novitads 15:00