Siglir tar il cuntegn

Header

Navigaziun

Dieter Behring e plirs accumpagnaders
Legenda: Dieter Behring (entamez) vegn accumpagnà al Tribunal federal penal. Keystone
cuntegn

Svizra Behring sentenzià a praschun

Il Tribunal penal federal ha sentenzià Dieter Behring il venderdi a tschintg onns e sis mais praschun. Per ils derschaders dal tribunal a Bellinzona èsi cumprovà ch'il sistem da Behring ha donnegià 2'000 persunas.

L'um da finanzas Dieter Behring aveva da professiun cugliunà investiders, e chaschunà in donn da totalmain 800 milliuns francs. La Procura publica aveva pretendì ina chasti da sis onns e nov mais, la defensiun da sia vart vuleva che la procedura vegnia sistida u ch’i dettia in acquittament per Dieter Behring.

In dals pli gronds cas da cugliunaria va uschia a fin cun ina sentenzia da culpa. La sentenzia na ha dentant anc nagina vigur legala. Behring pudess anc ir avant Tribunal federal a Losanna.

RR novitads 11:00