Siglir tar il cuntegn
Inhalt

Svizra BAZL è surdumandà cun dronas

L'Uffizi federal d'aviatica civila ha instradà in scumond temporar per dronas. El na vegn betg suenter cun las dumondas.

Purtret d'ina drona en l'aria.
Legenda: Dronas chaschunan il mument ch'il BAZL na vegn betg suenter cun las dumondas. Keystone

En Svizra na datti naginas novas lubientschas per dronas pli. Quai almain il mument. L’Uffizi federal d’aviatica civila BAZL ha instradà in scumond temporar correspundent. La raschun saja che l’uffizi cun ses sistems existents saja surdumandà cun las bleras dumondas. Quellas sajan per part fitg cumplexas. Quai ha confermà il schef da communicaziun da l’uffizi envers Radio SRF.

Ins veglia uss examinar co far pli simpel e pli effizient ils process interns. Quai senza stgaffir novas plazzas da lavur. En emprima lingia vegnian tractadas las dumondas commerzialas cun prioritad las proximas emnas.

RR novitads 09:00