Siglir tar il cuntegn
Inhalt

Svizra Basilea: Polizia ha controllà 200 passagiers e bagascha

Tar ils passagiers sa tractavia tenor la polizia da demonstrants cunter l'inscunter suprem G20 che cumenza venderdi a Hamburg.

Il tren ch`è vegnì controllà a Basilea era in tren spezial per ils demonstrants, sco qua a Kornwestheim, Baden-Württemberg.
Legenda: Il tren ch`è vegnì controllà a Basilea era in tren spezial per ils demonstrants, sco qua a Kornwestheim, Baden-Württemberg. Keystone

Pervi da la controlla è il tren spezial partì cun in retard da quatter uras vers Hamburg. Radund 30 persunas n'han betg dastgà entrar en Germania. Quai ha communitgà la polizia tudestga.

En vista a l'inscunter da las 20 pli impurtantas naziuns d'industria e novs pajais industrials ha la Germania puspè introducì controllas als cunfins. La controlla è stada ina collavuraziun tranter las polizias da la Germania e da la Svizra, sco er las guardias da cunfin e la polizia da Basilea.

A l'inscunter suprem G20 vegnan spetgads venderdi e sonda passa 100'000 demonstrants. Tranter quels er fin 8'000 ch'èn pronts da demonstrar cun violenza.
Tenor la polizia èn ils protests a Hamburg stads paschaivels fin ussa.

RR novitads 06:00