Siglir tar il cuntegn
Inhalt

Svizra Basilea Champagna restar tar 2 linguas estras en primara

En Basilea Champagna emprendan scolaras e scolars da la primara vinavant duas linguas estras. Las votantas ed ils votants han refusà cleramain l'iniziativa che pretendeva che la segunda lingua estra vegnia instruida pir sin il stgalim superiur.

scolara cun in fegl da franzos
Legenda: En las scolas primaras da Basilea Champagna vegn vinavant instruì franzos ed englais. Keystone

Il suveran basiles ha refusà l'iniziativa cun 38'424 vuschs cunter 18'424 vuschs – pia cun ina cumpart da na da 67,70%. Quai tar ina participaziun da 31,3%. Uschia vegn instruì vinavant franzos ed englais en las scolas primaras en Basilea Champagna. l'iniziativa vuleva laschar instruir en la scola primara mo il franzos e spustar l'instrucziun da l'englais sin il stgalim superiur.

Ulteriuras decisiuns en il champ da furmaziun

  • Ultra da quai ha il suveran decidì da salvar il cussegl da furmaziun. Quai cun refusar la proposta che la regenza duai decider davart plan d'instrucziun ed uraris. Quai cun 58,76%.
  • In cler gea hai dà a la cuntraproposta a l'iniziativa «Gea a plans d'instrucziun cun cuntegns e temas definids cleramain». Quai cun 84,24% gea. Uschia vegn fixà en la lescha chantunala, co ils plans d'instrucziun duain vegnir fatgs.

RR novitads 15:00