Svizra - Barometer da conjunctura uschè aut sco ditg betg pli
Las perspectivas per l'economia svizra èn sa megliuradas il december. Il barometer da conjunctura dal KOF – l'institut da prognosa da l'ETH da Turitg – è creschì per 0,9 sin 111,3 puncts. Quai è il pli aut nivel dapi il zercladur 2010.
L'institut dad prognosa da l'ETH da Turitg fa in barometer da conjunctura. Quest barometer è in indicatur tempriv per la conjunctura svizra. I sa tracta d'in index che cumpiglia ord 272 indicaturs singuls. Ord quels indicaturs vegn eruì a moda statistica il in indicatur cumplessiv.
L'economia svizra sa chatta il mument en ina fasa da creschientscha. Ils impuls positivs derivan cunzunt ord la branscha da textilias e la branscha d'elavuraziun da laina. Percunter è la prognosa per l'industria da construcziun da maschinas e quella da l'electroindustria vegnidas mendras.
D'attribuir saja la creschientscha cunzunt al svilup positiv da las bancas. Vitiers vegn l'export ch'è en general responsabel per la creschientscha da l'economia. Però er il consum e la restauraziun indigena contribueschan il lur a la creschientscha d'economia.
