Siglir tar il cuntegn
Inhalt

Svizra Barometer da conjunctura sa sbassa il matg

Il matg è il barometer da conjunctura sa reducì per 3,3 puncts sin exact 100. L'ultima giada è il barometer da conjunctura stà il 2015 sin in livel cumparegliabel.

Diversas cranas da bjegiar da sutsi.
Legenda: Tranter auter pervi dad indicaturs negativs en il sectur da bajetg, è il barometer da conjunctura dal KOF sa reducì il matg. Keystone

Il barometer da conjunctura dal post da perscrutaziun da conjunctura da la ETH (KOF) è sa reducì il matg per 3,3 puncts sin 100. Il nivel da l'avrigl aveva però stuì vegnir revedì per 2 puncts engiu sin 103,3. L'ultima giada saja il barometer stà il 2015 sin quest livel. Quai ha il KOF communitgà la mesemna avantmezdi.

Suenter ch'il barometer è sa sviluppà ils ultims onns sur la media, ès el uschia puspè s'avischinà a ses livel da media a lunga vista. Almain per il mument inditgeschia quai ina normalisaziun dal svilup da la conjunctura, scriva il KOF.

Signals negativs dals secturs mastergn e construcziun

Tenor il KOF han surtut indicaturs negativs en ils secturs mastergn e construcziun chaschunà ch'il barometer è sa sbassà. Er in svilup plitost negativ ha il KOF observà tar il consum ed ils exports. In lev plus han però fatg la restauraziun e hotellaria sco er las bancas.

RR novitads 10:00