Ella investigheschia cunter pliras persunas, ha confermà la Procura publica federala in artitgel da las gasettas «Sonntagszeitung» e «Le Matin Dimanche». Tranter auter vegnia era investigà cunter l'anteriur schef da la filiala da la banca en l'Angola. L'um duai avair repartì credits betg garantids da milliardas che na sajan mai vegnids pajads enavos.
La banca BES era vegnida spendrada l'avust 2014 da la regenza portugaisa cun ina summa enorma da 4,9 milliardas euros. En l'emprima mesadad da l'onn aveva la banca gì ina sperdita da 3,6 milliardas euros ed aveva uschia bunamain fatg concurs.
L'institut era vegnì partì si en duas parts. Las parts cun credits fauss en ina uschenumnada «Bad Bank», ch'ils anteriurs possessurs èn ils acziunaris. Da l'autra part è cun agid da la regenza vegnì fundà ina nova banca cun num «Novo Banco», ch'è vegnida vendida a «Lone Star», ina societad da participaziun americana.
RR novitads 12:00