Siglir tar il cuntegn
cuntegn

Svizra Bancas svizras: Pauc credit per persistenza

Per bleras bancas svizras na gioga la persistenza vinavant betg ina rolla centrala, quai constatescha il WWF en in ranking. Naginas da las 15 bancas examinadas sajan visiunarias u giajan en questa direcziun. Uschia communitgescha l'organisaziun per l'ambient.

vista sin in automat da daners, i vegn ora ina nota da 50 fr.
Legenda: Tge fan las bancas cun noss daners? Sco i para betg bler per la persistenza. Keystone

Mintga franc che vegn mess sin banca haja in effect sin noss ambient u sin nossa societad, quai di Claude Amstutz, il manader dal studi tar il WWF. Sche la banca investeschia quests daners en in producent da cotgla haja quai in effect negativ sin il clima. Positiv saja sche la banca investeschia ils daners en producents d'energia solara u da vent. La meglra figura areguard la persistenza fetschian las bancas chantunalas da Berna e Turitg e la Banca Raiffeisen. Quellas sajan almain confurmas al temp. L'uniun per persistenza en il sectur da finanzas svizzer pretenda ussa che las bancas stoppian examinar meglier sche lur credits gajan a favur da projects che fetschian ecologicamain, etnicamain e socialmain senn.

RR novitads 08:00