Siglir tar il cuntegn
cuntegn

Svizra Bancas pitschnas survegnan levgiaments

La controlla da finanzas (FINMA) vul schluccar las prescripziuns per 250 bancas pitschnas en Svizra. Questas bancas valan sco segiras cun avunda agen chapital.

La banca Brienz Oberhasli
Legenda: La banca Brienz Oberhasli è ina da las 250 bancas pitschnas en Svizra. Keystone

Las bancas pitschnas speran che las midadas entrian svelt en vigur. Uschia na stoppian questas bancas en l’avegnir betg pli preschentar mintg’onn las pretensiuns sco las bancas grondas, mabain mo pli mintga dus ni trais onns, quai mussan retschertgas fatgas dal radio SRF. Vinavant stoppian questas bancas era betg pli preschentar tut las datas-clav sco las bancas ch’ageschan internaziunalmain.

Las bancas pitschnas valan sco segiras

En Svizra ha quai il mument radund 250 bancas pitschnas cun ina summa da bilantscha da sut ina milliarda francs. La gronda part da questas bancas han avunda reservas e valan sco segiras. Tuttina han ellas sco las bancas grondas d’ademplir mintg’onn pliras pretensiuns. Ma questa lavur saja surproporziunala e per gronda part era fitg chara, scriva la FINMA.

L’emprim vul la FINMA en ina fasa da pilot testar quest model nov cun singulas bancas, alura duajan las reglas novas entrar en vigur svelt.

RR novitads 08:30