L'economia svizra na saja betg ruschnada en ina recessiun, malgrà la survalitaziun massiva dal franc da mez schaner. Suenter che la prestaziun economia saja sa reducida level il prim quartal, saja quella puspè creschida levet ils ultimis 3 mais, argumentescha la banca naziunala.
Meglras prognosas e nagina recessiun
Plinavant sajan las prognosas sa meglieradas. La banca naziunala quinta cun in augment dal product naziunal brut da stgars 1% per l'onn current. Vitiers vegnia er la clera svalitaziun dal franc da l'emna passada, quai che gidia l'economia d'export ed il turissem. L'emna passada custava l'euro per la prima giada dapi l'aboliziun dal curs minimal puspè 1,10 francs. Per la banca naziunala è il franc però anc adina survalità.
Effect sin franc resta pitschen
Paucas minutas suenter la decisiun da la banca naziunala nudava l'euro in zic pli aut cun 1,9052 francs. Il dollar american è crudà levent sin 0,9675 francs.
RR novitads 10:00
