Siglir tar il cuntegn
Inhalt

Svizra Banca naziunala profitescha dal pretsch d'aur

La Banca naziunala svizra BNS ha fatg in gudogn da 5,7 milliardas francs ils prims trais mais da quest onn. Sulet grazia a l'aur è sa resultà in gudogn da 4,1 milliardas. Cun las posiziuns da valutas estras hai dà ulteriuras 1,2 milliardas, communitgescha la banca naziunala.

Il bajetg da la Banca naziunala svizra.
Legenda: Temps aurins. Il 2016 ha cumenzà per la banca gist tenor il proverbi. Keystone

Tar l’aur ha la BNS profità da l’augment dal pretsch dal davos quartal. A la fin dal mars 2016 vegniva in kilo aur martgadà per 38’091 francs. Da medem temp l’onn 2015 eran quai anc 34’103 francs.

Per l'entir onn na sa laschia quai però betg trair conclusiuns, cunquai ch'ils martgads d'aur e da devisas èn suttamess a fermas fluctuaziuns.

Il medem temp da l'onn avant aveva la banca anc nudà sia pli gronda perdita da l'istorgia, quai cun in minus da 30 milliardas.

RR novitads 08:00