Siglir tar il cuntegn
Inhalt

Svizra Banca naziunala intervegn en il martgà da devisas

Per stabilisar il curs dal franc svizzer ha la Banca naziunala svizra cumprà devisas estras. Quai sa resulta ord las investiziuns a vista da la Confederaziun e las bancas tar la Banca naziunala ch'èn vegnidas publitgadas glindesdi.

Banca naziunala svizra ha danovamain cumprà devisas estras per sabilisar il curs dal franc svizzer.
Legenda: Banca naziunala svizra ha danovamain cumprà devisas estras per sabilisar il curs dal franc svizzer. Keystone

L’emna passada èn questas investiziuns creschidas per 4,5 milliardas francs. La statistica vala sco norma per observar las intervenziuns da la Banca naziunala sin il martgà da devisas.

La Banca naziunala vul cun questa cumpra stabilisar il curs dal farnc svizzer che vala tar ils investurs sco port segir en temps intscherts. Sch’il curs dal franc crescha, flaivlenta quai l’industria d’export e viadis en Svizra vegnan pli chars. Il glindesdi ha in euro custà 1.0645 francs. Pli ferm ch'il franc è e dapli che l'industria d'export da la Svizra patescha.

RR novitads 15.00